LIJUE TUNDA PENDWA MWENZI WA RAMADHANI.

  Na Dorcas Safiel.

Wakati waislamu wakiwa wamefunga kwaajili ya ramadhani basi tunda pendwa linaloenda kwa jina la tende linaonekana kukonga nyoyo za wengi ata kama sio waislamu kwasababu tu ya utamu na faida zake kedekede mwilini mwa binadamu tunda hili  ni maarufu sana katika nchi za Mashariki ya Kati na sehemu zingine duniani. Umaarufu wake umeanzia maelfu ya miaka iliyopita na pengine ndiyo tunda pekee liliotajwa sana hata katika vitabu vitakatifu vya Mungu.

 Tende ndio tunda pekee lenye kuupatia mwili vitu vinne kwa wakati mmoja, vitamin, protini, wanga na mafuta. Mbali na utamu wake tende ambazo hulika sana mwezi wa ramadhan zina faida nyingi sana kwa mwili wa binadamu

 Tende ni tunda ambalo linayeyuka kirahisi tumboni na lenye faida nyingi sana ambazo hulifanya liwe tunda la kipee.

 baadhi ya faida za tende mwilini:

• Kwa watu wenye matatizo ya tumbo, nicotinic inayopatikana kwenye tende husaidia kurekebisha matatizo ya tumbo na huleta ahueni kwa watu wenye matatizo ya kupata choo.

•  Tende husaidia kuuimarisha moyo. Iloweke tende kwenye maji kwa usiku mmoja na asubuhi kunywa maji hayo pamoja na tende zilizolewekwa baada ya kuondoa mbegu, ukifanya hivyo mara mbili kwa wiki, moyo wako utakuwa imara.

•  Tende husaidia pia kwenye mambo ya malavi davi. Iloweke tende kwenye maziwa ya mbuzi usiku, asubuhi changanya maziwa hayo na asali kisha kunywa, njia hii husaidia kuongeza nguvu na stamina za kufanya mapenzi.

• Utafiti umeonyesha kuwa tende husaidia kutanua misuli ya mji wa mimba wakati mwanamke anapokaribia kujifungua, hii husaidia kumfanya mwanamke asipoteze damu nyingi wakati wa kujifungua.

• Wataalamu wa vyakula, wanazichukulia tende kama chakula bora kwa wanawake wanaonyonyesha kwani husaidia kuyapa maziwa virutubisho muhimu vinavyomfanya mtoto awe na afya njema.

• Tende husaidia kupunguza kiwango cha kilevi (alcohol) kwenye damu. Maji ya kunywa ambayo tende imelowekwa ndani yake husaidia kuondoa haraka alcohol mwilini.

• Tende husaidia kuchelewesha dalili za uzee na pia husaidia kurekebisha ngozi na huondoa mabaka ya kuungua na jua.

•  Kutokana na madini ya chuma kwenye tende, watu wenye upungufu wa damu hupata ahueni.

• Vitamin B1 na B2 vilivyopo kwenye tende husaidia kuyapa nguvu maini.

• Tende pia huleta ahueni kwa watu wenye kikohozi na mafua.

kiukweli kuna faida  nyingi za tende na unaweza kuila tende kwanamna mbalimbali, kama vile kuchanganya na maziwa, kuchanganya na mkate auvitafunwa vingine. Ifanye tende kuwa sehemu ya mlo wako wa kila siku iliujipatie faida hizi 10 na nyingine.