Hivi Ndivyo Ilivyotokea Leo Wabunge Wanawake[UKAWA] Walivyotoka Bungeni.


Mbunge wa Kawe Halima Mdee.

Wabunge Wanawake kutoka Vyama vinavyounda Umoja wa Katiba ya Wananchi (Ukawa) wamelazimika kutoka nje ya Ukumbi wa Bunge mjini Dodoma baada ya Mbunge wa Ulanga Goodluck Mlinga kutoa kauli ya udhalilishaji hapo jana.
Mbunge huyo alitoa kauli hiyo na kuwaambia wabunge wanawake wa Chadema kwamba ili wapate Ubunge wa Viti Maalumu lazima waitwe ‘babe’.
Hayo yalijiri jana baada ya kuwepo kwa mvutano mkali hapo jana baina ya wabunge wa chama tawala na upinzani kurushiana vijembe na matusi ndani ya ukumbi wa bunge hali iliyopelekea Mbunge wa Jimbo la Ukonga Mwita Mwikabwe Waitara kutolewa nje ya ukumbi huo baada ya kutofautiana na Mbunge wa Ulanga Goodluck Mlinga.
Wabunge hao wanawake kutoka vyama mbalimbali vya upinzani wamesisitiza adhma yao ya kujitoa katika Chama cha Wabunge Wanawake wa Bunge la jamuhuri ya muungano kutokana na kutopewa ushirikiano na wabunge wenzao wa chama tawala kwa madai kwamba wanaunga mkono udhalilishaji wa wanawake bungeni kwani wakati hayo yakifanyika wao walikuwa wakipiga makofi.
Post a Comment
Powered by Blogger.