Leo Ni Uchaguzi Mkuu Nchini Djibout Hivi Ndivyo Ilivyo Kwa Wananchi.

Wananchi wa Djibout.

Raia wa Djibouti leo wanapiga kura kumchagua rais mpya.
Lakini tayari kuna utata kwani baadhi ya vyama vya upinzani vinasusia uchaguzi huo, ishara ya jinsi upinzani umegawanyika hivyo kujipata katika hali hiyo hafifu mbele ya chama tawala cha rais aliyeko madarakani, Ismael Omar Guelleh.
Rais wa Djibout Ismael Omar Guelleh.
Upinzani umekuwa ukilalamika kwamba serikali, haijaweka mazingira sawa ya ushindani.
Wagombea vinara wa upinzani ni Omar Elmi Kaireh na Mohamed Daoud Chehem, lakini kwa sababu ya kutokuwa na umoja miongoni mwao, watakuwa na kibarua kigumu na wachambuzi wa kisiasa wanasema hawatarajiwi kuung'oa utawala wa rais Ismael Omar Guelleh ambaye amekuwa madarakani tangu 1999.
Rais Guelleh ni rais wa pili tu tangu nchi hiyo ijikomboe kutoka kwa utawala wa kikoloni wa Ufaransa mwaka wa 1977.
Djibouti ni nchi iliyozungukwa na mataifa majirani ya Somalia, Yemen na Eritrea ambayo yamekumbwa na mizozo ya kisiasa.

Djibouti pia inategemewa sana na Ethiopia ambayo haina ufuo wa bahari ni bandari ya Korale.
Bandari ya Korale.


Lakini pia huwa inatumiwa kama kituo muhimu kwa majeshi ya Marekani na Ufaransa huku Saud Arabia nayo pia ikitaka kuwa na kituo cha kijeshi nchini humo na uwepo wake katika ghuba la Aden na Karibu sana na njia ya baharini ya Suez imeifanya Djibout kuwa kitovu na kiunganishi muhimu kwa safari za meli za kimataifa.

Viongozi hao wa upinzani wanadai kuwa ni baadhi ya sababu zinazoifanya jumuiya ya kimataifa kufumbia jicho mfumo wake ni hafifu wa kidemokrasia.
Wanadai polisi huwanyanyasa kwa kutafuta vijisababu vya kuendeleza vitendo vya mateso dhidi yao huku wakiwanyima nafasi ya kujieleza katika vyombo vya habari.
Pia wanasema serikali imekataa kutekeeza mabadiliko ya kisiasa yaliyopendekezwa katika makubaliano nao baada ya vurugu za uchaguzi wa ubunge hapo 2013, madai ambayo serikali imeyakana.


  Published By: Alex Sonna.
 Unaweza Kuzipata Story Zote Za Ndani Na Nje Ya Bongo Kwa Kujiunga Na SeetheAfricanLink Kwenye: Facebook|Twitter|Instagram|YouTube|Audiomack

Powered by Blogger.